und da meldet sie sich schon wieder. Han ebe no tueuer iikaufti compi-ziit uebrig. =)
Momentan bini in Rotorua, das isch det wo die ganz Stadt nach Schwefel stinkt und defuer ueberall geothermischi Bodeheizig hesch. =)
Langsam merkt mer chli oeppis vom Summer. Voll laess, vorallem wil ich momentan nur mit mine Chleider wo ich aahan, drueue Underhose, mim Pischi und eme neue NZ T-shirt umereise und kein Maensch weiss wo sich min Rucksack choennti ufhalte. =( I'm a backpacker without backpack.
Susch isch alles super. Bin geschter dur halb (noed bsunders uebertribe) Neuseeland greist. Am 5.15 (ufsta: 4.15) isch in Picton d'Faehre abgfahre und am halbi Achti bini nach 8 Stund Busfahrt in Rotorua aacho. No mega interessant gsi will d'Buschauffeure staendig irgendwelchi Kommentar mached zum Zueueg wo mer gad verbii fahrt. (han de Berg vo Sauron us em Herr der Ringe gse... aber iidrucksvoll isch oeppis anders) Irgendwo simmer dur so e Landschaft gfahre wo usgse haet wie usg'storbeni Praerie und wo's Schiinbar mega problem hend will Strass de Halb winter waege Iis g'sperrt isch und im Summer zimli oft will de Belag g'schmulze isch. =S strange. Und inzwuesche bini ueberzuegt das es in neuseeland meh aapflanzti Waelder git als "normali". S'het ueberall so huegel da und uf de Huegel hets entweder wissi Puenktli (Schaf, schwarz waered Chue, ganz eifach) oder linear
aapfanzti Tannewaelder und wenns wder Tanne no schaf het denn hets gar nuet wil det gad en Wand abrasiert worde isch ( so e Maschine erleit 40 bis 50 baeum i de Stund!!).
Huet soetti denn uf em Hof in Opotiki aacho. Das wird det glaub mega laess. Vorher mueni aber no Badhose go chaufe, damit au s'Meer chan gnuesse. (Arbetschleider und Stifel chani zum Glueck uslehne! =)
Gruessli vo Neuseeland. =) Susu
Mis neue Laebesmotto: Keep smiling, even if you've lost your baggage. =)
